水仙唔該
2007年10月30日「請問喜歡飲咩茶？」
「有咩茶？」
「有人參烏龍碧螺春普洱鐵觀音龍井。」
用熟到不得了的口吻一次過ＵＰ出來
客人想了想：「我要水仙丫唔該。」
「唔好意思，我地冇水仙。」
「……我要水仙。」
我有點不耐煩：
「我地只有人參烏龍碧螺春普洱鐵觀音龍井。」
客人看著我數句鍾
「我想要一壺水先……」
我無言。
到底是客人表達能力有問題
還是我的理解能力有問題呢？哈哈
亦曾經試過
「我地有人參烏龍碧螺春普洱鐵觀音龍井。」
「壽眉丫。」
「唔好意思，冇壽眉。」
「下…咁……可唔可以講多次有咩茶？」
「我地有人參烏龍碧螺春普洱鐵觀音龍井。」
「有冇香片？」
「我地淨係有人參烏龍碧螺春普洱鐵觀音龍井。」
客人看著我數句鍾：「有冇菊花？」
我暈了…………
客人或者一直沒有聽我說話，腦海只想著他想喝的茶
又或者……他沒有把耳屎”鳥”乾淨
Posted in: It's My Life |
按此回應 | 回應的RSS | 暫時未有引用通告| 
(1)
kickin8